How do you know that this credit card is suitable for you?

Author : Faydety Egypt | Published On : 30 Apr 2021

 ازاى تعرف أن الكريدت كارد ده مناسب ليك؟

بطاقة الائتمان من أكتر الحاجات اللى هتسندك في وقت الضيقة، لأنك بسهولة هتسحب المبلغ اللي عايزه وتسدد بعدين، ومفيش بطاقة ائتمان معينة احسن من الباقي في كل حاجة، بس لما تفهم مميزاتها وطريقة استخدامها، هتعرف تختار اللى هيناسبك .

ايه هى الكريدت كارد؟

ده منتج بنكي للاقتراض، البنك بيسلفك مبلغ وانت بتسحب منه وقت ما تحتاج، وبتسدد اللي سحبته في فترة السماح، والحد الائتماني لـ بطاقة الائتمان بتاعتك هو أقصى مبلغ ممكن تسحبه لحد ما فترة صلاحية البطاقة تنتهى أو تطلب تزود الحد الائتماني بتاعك، والحد ده بيتحدد على حسب دخلك الكلي الشهري.

لو عايز تعرف أكتر عن المواقف اللي ممكن تحتاجها فيها، أدخل على بلوج فايدتي من هنا، 5 أسباب عشان تستخدم الكريدت كارد

أما لو ناوي تقدم على بطاقة ائتمان، هنقولك ازاى تختار المناسب ليك.

1- لو عايز تبني رصيد ائتماني قوي!

لو لسه جديد في التعامل مع فيزا المشتريات يبقى الحل انك تختار" بطاقة ائتمان المؤمن عليها"، وفي النوع ده بيبقى عندك شهادة استثمار أو وديعة كاتبها كـ ضمان للبنك عشان لو مسددتش أقساط الكريدت كارد أو اتأخرت في السداد، وبكدا هيبكي عندك I-score  كويس لأنك بتسدد اللي عليك.

2- فترة السماح!

وهي الفترة اللي بتسدد فيها القسط اللي عليك قبل ما ينزل عليه فوايد، ودي بتكون من 48 لـ 58 يوم في معظم البنوك. عشان كده لازم تاخد بالك من فترة السماح كويس و تسدد في الوقت اللي متحدد لك بدل ما تتفاجئ بالفايدة اللي هتنزل على الفلوس بسبب يوم واحد تأخير.

3- سعر الفايدة!

الكريدت كارد هو الوحيد اللي فايدته شهرية بعكس القروض اللي فايدتها سنوية، لكن برضه بعكس القروض تقدر تتجنب نزول الفايدة على أقساطك لو سددتها في فترة السماح/ Grace period، أما لو سددت 15% بس وقررت تكمل الباقي الشهر اللي بعده فـ هتنزل عليك فايدة، وخلي بالك من غير الـ15% دول هيبقي عليك غرامة كمان مع الفايدة.

4- اهتماماتك أولا!

 اختيارك للـ كريدت كارد بيعتمد على اهتماماتك، وعلي أساسها بتختار الكارت اللي في مكافأت مناسبة ليك، وده عبارة عن تجميع نقط/ Bonus Points عن كل جنيه بتصرفه، والنقط دي ممكن تتحول لـ:

  •  كاش باك
  •  قسائم شراء
  •  أميال سفر

في كروت عليها كل المكافأت وكروت لأ، وبطاقة الائتمان المناسبة ليك هي اللي هتقدر تستخدم نقطها، يعني مثلا لو مهتم بالسفر يبقى هتختار البنك اللي بيقدم مكافأت أميال سفر/ Miles، ….إلخ.

قدم على كريدت كارد دلوقتي في دقايق ببلاش علي موقع فايدتي وانت في مكانك.